A Telanganite anguish in poetry

అర్ధ శతాబ్దపు ఆగడాలకు బలియై పోయెను ఈ రాజ్యం
ఆత్మగౌరవం అన్న పేరుతో అవతరించిన ఆంధ్ర రాష్ట్రపు -
ఉక్కుకౌగిలికి కమిలి క్రుశించెను ఈ దేశం
భాష మాత్రమే ఏకమన్నది అందరెరిగిన సత్య వచనము

భావజాలపు బానిసత్వముకు కృంగి పోయెను ఈ ప్రాంతం
వన్నె తగ్గని సిరులు ఉన్నను వట్టిదైనది నా స్థానం
పుటములెరుగని చరిత ఉన్నది – పుట్టి మునిగిన గతము ఉన్నది
రక్తపు మడుగుల జాడలున్నవి – రాచరికపు గాధలున్నవి

శాతవాహనుల ఖ్యాతి ఉన్నది…కాకతీయుల ఖిలాలున్నవి
రామగుండపు వెలుగు ఉన్నది….బొగ్గుగనుల బహుమణులు ఉన్నది
సున్నపు రాయి గనులు ఉన్నది…రాతి పలకల నిలువలున్నది
జీవ నదుల ఆ సవ్వడున్నది – వాగు వంకలు బహు మెండుగున్నది

వనరులున్నను వనములున్నను వ్యర్థ బానిస బ్రతుకు అయినది
నక్సలిజం అను కుంటిసాకుతొ దగాపడ్డ ఈ ధరిత్రి నాది
కర్మాగారం, కార్మికగానం కలగలిసినది ఈ నేల
ధార్మిక స్థానం దైవిక క్షేత్రమై ఉద్ధరిల్లినది ఈ భూమి

తర తమ భేదాలెన్నో మరిచి మెలిగి వెలిగినది ఈ క్షేత్రం
రాజకీయ చదరంగానికి – పోరాటాల రణరంగానికి పావులై -రాటుతేలినది ఈ నా జనం!
తెలంగాణ సాధనకై కలిసి కదలినది కదం దాన్ని ఆపుట కాదు ఇంకెవ్వరి తరం !!

జై తెలంగాణ —— జై జై తెలంగాణ

Courtesy – Arjun, thank you for sharing.

Related posts:

1. We will not contest from Banswada – TDP
2. Jai Telangana in TDP’s Mahanadu
3. Deputy CM to be a Telanganite
4. Telanganite to be Deputy CM?
5. Ramcharan in love with Telanganite?
6. Telaganites anguish in a poem
7. We thank every Telanganite – Prof. Kodandaram
8. Aagadhu Naa Telangana Poru
9. Governor is anti-telanganite
10. Telangana aathma gosa