ఒక వేళ మారిస్తే ముఖ్యమంత్రిని మార్చుతారు తప్ప కాంగ్రెస్ కు పెద్ద ఇబ్బంది ఉండదు.అయితే ఈసారి రాష్ట్రంలో కాంగ్రెస్ పార్టీ కూడా ఒకరకమైన సంక్షోభాన్ని మొదటిసారిగా ఎదుర్కుంటోంది.దివంగత ముఖ్యమంత్రి రాజశేఖరరెడ్డి కుమారుడు జగన్మోహన్ రెడ్డి సొంత పార్టీ పెట్టుకోవడం, దానికి పలువురు కాంగ్రెస్ ఎమ్మెల్యేలు మద్దతు ఇస్తుండడంతో పరిస్థితి ఏ విధంగా మారుతుందా అన్న సందేహం ఏర్పడింది.జగన్ వర్గం ఎమ్మెల్యే కొండా సురేఖ కచ్చితంగా ఈ ప్రభుత్వం మారుతుందని, ఆగస్టులో రాష్ట్ర , కేంద్ర ప్రభుత్వాలు సంక్షోభాన్ని ఎదుర్కుంటాయని ఆమె జోస్యం చెప్పారు.

తమను ఎమ్మెల్యేలుగా అనర్హులుగా చేయాలన్న కాంగ్రెస్ పార్టీ యోచనపై ఆమె మండిపడ్డారు. జగన్ కు మద్దతు ఇచ్చినవారందరిని అనర్హులను చేయకుండా కొంతమందిని ఎంపిక చేసుకోవడం కాంగ్రెస్ దుర్భుద్దికి నిదర్శనమని ఆమె విమర్శించారు. మొత్తం మీద జగన్ వర్గం కడప ఉప ఎన్నికల తర్వాత కచ్చితంగా రాజకీయ పరిణామాలు ఉంటాయని ఆశిస్తోంది. జగన్ కూడా తన ఎన్నికల ప్రచారంలో అదే విషయం చెబుతున్నారు. మార్పునకు కడప నాంది అవుతుందంటున్నారు. జగన్ వర్గంలో ఉన్న ఎమ్మెల్యేలు ఎంతమంది చివరివరకు ఆయనతో నడుస్తారో తెలియని పరిస్థితి అయితే ప్రస్తుతానికి ఉంది.