Satya Sai Baba condition not good

భగవాన్ సత్యసాయి బాబా ఆరోగ్య పరిస్థితిలో ఏమాత్రం మార్పులేదు. ఒక మెడికల్ బులిటెన్ తరువాత మరొకటి వస్తున్నా, అవే మాటలు, అవే పదాలు దొర్లుతున్నాయి. అసలు బాబా ప్రస్తుతం ఎలా ఉన్నారు…? ఈ ప్రశ్నకు మాత్రం సరైన సమాధానం రావడంలేదు. బాబా సమీప బంధువులు బాబావారిని దగ్గర నుంచి చూసివచ్చి చెప్పిన సమచారం ప్రకారం ఆయన ఎముకుల గూడుగా మారిపోయారు. ఆ దృశ్యం తలుచుకుంటేనే భక్తుల గుండెలు పగలడం ఖాయం. మరి ఈ స్థితిలో కూడా ఎందుకీ దాపరికాలు…? ఎందుకీ కప్పదాటు వ్యవహారాలు??

అత్యంత కీలకమైన ప్రకటన మాత్రమే ఇక వెలువడాల్సి ఉంది. అయితే, ఈ ప్రకటన ఎవరు చేత చేయించాలన్న ధర్మసందేహం ఒకటి వినవస్తోంది. భగవాన్ సత్యసాయి బాబావారి జీవితం గురించి కీలక ప్రకటన దేశ సర్వోన్నత వ్యక్తి లేదా దేశ ప్రధమ పౌరురాలు (రాష్ట్రపతి – ప్రతిభాపాటిల్) తో ఇప్పించాలని సత్యసాయి సెంట్రల్ ట్రస్టు కోరుతున్నట్టు తెలుస్తోంది. రాష్ట్రపతి వంటి ప్రధాన వ్యక్తి రావాలంటే కొంతలోకొంత జాప్యం తప్పదుకాబట్టి ప్రకటనలో నిరీక్షణ తప్పడంలేదని బాబా సమీప బంధువులు చెబుతున్నారు. బాబాకు వైద్యం చేస్తున్న డాక్టర్లుకానీ, లేదా రాష్ట్రంలో ఉన్నత పదవుల్లో ఉన్న వ్యక్తులుకానీ ఈ కీలక ప్రకటన చేయడానికి సాహసంచేయడంలేదు. పైగా ట్రస్టు సభ్యులు కోరికను మన్నించాలని కూడా కేంద్రం ఆలోచిస్తున్నట్టు తెలుస్తోంది. బహుశా ఆదివారం మధ్యాహ్నం కీలక ప్రకటన వెలువడవచ్చు.

బాబా ఆస్పత్రిలో ప్రాణాపాయ స్థితిలో ఉంటే, బయట విస్తృత ఏర్పాట్లతో అధికారగణం హడావుడిపడిపోతున్నది. చివరకు ట్రస్టు సభ్యులు కూడా ఈ విషయంలో అతీతంకాదు. వారిలెక్కలు వారు చూసుకుంటున్నారు. హిందూధర్మం ప్రకారం, ఒక మనిషి చివరి శ్వాస విడిచిన తరువాతనే అంత్యక్రియలకు సంబంధించిన ఏర్పాట్లు జరగాలి. అంతేకాని, మనిషి ఒక పక్క ప్రాణాలతో ఉండగానే (వెంటిలేటర్ సాయంతోనైనా ప్రాణంతో ఉన్నట్టే లెక్క) అన్ని ఏర్పాట్లు చకచకా జరిగిపోవడం చూస్తుంటే, నిజమైన బాబా భక్తుల గుండె కరిగిపోతున్నది. వారు బోరున విలపిస్తున్నారు. తమ నడిచే దేవునికి ఇంత కష్టం వచ్చిందేమిటా…అని ఘోషిస్తున్నారు. వీటన్నింటితో సంబంధంలేనట్టుగా `చివరి’ పనులు `ఘనం’గా వెలగబెట్టాలని కలికాలం భక్తులు యమ తొందరపడుతున్నారు. ఇంతకంటే దారుణం మరొకటి ఉంటుందా….

Related posts:

1. RSS behind Ramdev Baba – PC
2. Rebels already in YSR Cong
3. Superstar Krishna into YSR cong?
4. Jagan towards BJP?
5. Satya Sai baba laid to rest
6. Satya Sai Baba is no more
7. CM bows down to pressure from ministers
8. No work, No Pay – AP govt.
9. Telangana increment – KCR
10. Ramdev Baba for Telangana