అన్న నాదెండ్ల హాయిగా విదేశాలకి పోయిండు, నూటొక్క ఎమెల్యేలు/రాజీనామాలు చెల్లవు అంట ! వాళ్ళు చెల్లని నోట్లు అని మాకు తెలుస్తనే ఉంది, కాంగ్రెస్ ఆడే నూతన అద్యాయంలో అన్ని పార్టీలు పావులు అని అర్థం అయితూనే ఉంది, ఎమ్మెల్యేలు లోలోపల ఎంత ఖుష్ అయింరో, ఎగిరి గంతేసి ఉంటారు బహుషా: కాంగ్రెస్ కావలసినంత కాలయాపన చేసి, ఎటు చెప్పకుండా రోజులు గడుపుతున్న అధిష్టానం చూస్తుంటే ఎవరికీ అనుమానం కలగ పోవడం నిజంగా ఆశ్చర్యం. ఒక్క మెతుకు పట్టుకుని చూస్తె తెలవదా, అన్నం ఉడికిందో లేదో? చివరికి తెలంగాణా ఉద్యమం, రాజీనామాలు భావోద్వేగం తో కూడినది అని తెల్చేసిన్రు. నిన్నటికి నిన్న ది గ్రేట్ ఆజాద్ గారు అసలు తెలంగాణా ఎందుకు అని ఒక మిలియన్ డాలర్ల ప్రశ్న వేసారు అంట ? అన్న ఆజాదు, నీ జాదులకి ఇంకా నూకలు చెల్లిపొఇనై, ఇక్కడ ఆత్మహత్యలు ఇంకొక రూపం తీసుకుంటే, నువ్వు , నీ అధిష్టానం ఇక్కడనే తిష్ట వేసుకొని, తెలంగాణాని పువ్వుల పెట్టి ఇచ్చి పోతారు, అది కూడా అలోచిన్చుకొంద్రి, మా పోరగాండ్ల తలితండ్రుల ఉసురు తగిలి మీ పార్టీలన్నీ నాశనం అయి పోతాయి రా, ఆ రోజు ఎంతో దూరం లేదు.

కాలయాపన కాలక్షేపాల రాజకీయాలు నేర్చుకోవాలంటే కాంగ్రెస్ స్కూల్ లో చేరండి, స్పెషల్ ట్రైనర్ , అల్ ది వే ఫ్రం ఇటలీ, కాల్ల్ద్ సోనియా, ది హై కమాండ్ ! మన దళితులను పట్టుకొని తలలు పగల కొడితే మాకు చీమ కుట్టలేదు, ఒక్క చానల్ ప్రసారం చేయది, పేపర్ రాయది, ఒక్క దళిత నాయకుడికి ఆంధ్ర ల కాని, తెలంగాణాల కాని అసలు వినపడది, కనపడది, కృష్ణన్న జర చూడ రాదే! పౌరుషం సచ్చి పోయింది కదా, కాళ్ళు మొక్కి మొక్కి, అడుక్క తిని తిని, చచ్చు పడి పోఇనం, పాపం ఒక గర్బిని పిల్లని కింద పడేసి కొడితే రక్తస్రావం అయింది, ఒక్క పూట మొక్కు కోసం పొతే పట్టలేని ద్వేషం వాళ్లకు ఉంటె, మనల్ని జలగల్లాగా పట్టి పీడిస్తున్న వాళ్ళని దశాబ్దాలుగా ఎట్లా భరిస్తున్నాం? భరిస్తాం? ఇప్పటికే కులాల చిచ్చు రేపిన్రు, మన మధ్య మనకే లొల్లి షురూ చేసింరు, రెచ్చగొట్టే ప్రయత్నాలు చేస్తున్రు, ఎంతకైనా తెగించే నీతి జాతి లేని మనుషులని మనకందరికీ తెలుసు, ఇంకా శాంతి, సహనం, సహనం.

అయ్య, జాకుల్లార! రాజకీయ నాయకుల్లార, సంగాల్లారా! ఇంకా కుక్కల్లెక్క పడి గాపులు ఆపండి, ఊహాల్లోకాలలో విహరిన్చొద్దు, కొద్ది రోజులైతే ఏదో ఒకటి చెప్పి మిమ్మల్ని కూడ మాయ చేసి రాజీనామాలని వాపసు తీసుకోమ్మంటారని మాకు తెలుసు, మీరు కూడ మొక కోసం చూస్తుండి ఉండొచ్చు. ఇంకా మీకు ఇట్లాంటి పార్టీలు అవసరమా? పార్టీ సభ్యత్వానికి రాజీనామా చేయండి, మేమందరం మిమ్మల్నే గెలిపిస్తాం. ఇంతా జరుగుతుంటే ఒకాయన జెండా పండుగ చేస్తా అంటడు, ఏమిటికో అర్థం కాదు, కనీసం ఉద్యోగ సంగాలు ప్రభుత్వాలని స్తంబింప చేస్తాయని ఆశ, ఇవాళ టీవి నైన్ చానలు కథ అయిపాయింది, అట్లనే అన్ని చానల్లకి, పేపర్లకి, వస్తువులకి, సినిమాలకి మనమందరం దూరంగా ఉండాలని నిర్ణయం తీసుకుందాం, ఉడతా భక్తిగా.

ఇపుడు చర్చలు ఇందిరా భై! అది కూడా అన్ని ప్రాంతాల వారిగా, కథ మళ్లీ మొదటికి, పండగ చేసుకోండి రా! మా చావుల మీద పేలాలు ఏరుకుంటూ, ఎంజాయ్ చేయండి, మా పోరాగాల్లె ఏదో ఒకటి చేస్తారు, అప్పటిదాకా..వెయిట్ అండ్ వాచ్ డైలీ స్టోరీస్.

నా దగ్గర నీకేం దొరుకుతుంది
ఒక గాయం దొరుకుతుంది
ఒక గేయం దొరుకుతుంది
మాటల ఈటెల భావాల బాంబులున్నై
ఇవి ఎక్కడ పెలతాయో తెలుసా
చెమటతో సిరిచెట్టు పెంచబడే చోట
రక్తంతో రాహువుల పొట్టలు నిండే చోట(శివా రెడ్డి)